Almeria, Leyte – Arestado ang isang construction worker sa isinagawang buy-bust operation ng mga operatiba ng PNP-PDEA 8 sa Villa Abrea, Brgy. Jamorawon, Almeria, Leyte noong Miyerkules, Setyembre 21, 2022.
Kinilala ni Police Lieutenant Edwin C Simbajon, Officer-In-Charge ng Almeria Municipal Police Station, ang nadakip na si John Martin Daño y Calipay, 24, at residente ng Villa El Blanco Brgy. Jamorawon, Almeria, Leyte.
Ayon kay PLt Simbajon, pasado alas 8:00 ng gabi naaresto si Daño ng pinagsanib na pwersa ng Almeria MPS, Provincial Drug Enforcement Unit-Biliran PPO at Philippine Drug Enforcement Agency 8.
Narekober sa nahuling suspek ang dalawang pirasong small heat-sealed transparent plastic sachet na naglalaman ng puting crystalline substance na pinaniniwalaang shabu, 500-peso-bill na buy-bust money, at iba pang shabu paraphernalia.
Nahaharap ang suspek sa kasong paglabag sa RA 9165 o Comprehensive Dangerous Drug Act of 2002.
Ang Pambansang Pulisya ng Pilipinas ay patuloy sa pagtugis sa mga tulak ng ilegal na droga upang magkaroon ng kaayusan at kapayapaan ang ating lipunan.
Panulat ni Patrolwoman Rialyn B Valdez
