Nagsagawa ng Community Outreach Program ang PNP sa Caniwalan Elementary School, Barangay Masidel, Calayan, Cagayan nito lamang ika-3 ng Abril 2024.
Ang aktibidad ay pinangunahan ng mga tauhan ng Cagayan Police Provincial Office, PNP Officers’ Ladies Club Cagayan Chapter, iba pang mga kapulisan mula sa Police Regional Office 2 at Municipal Social Welfare and Development Office.
Namahagi ang grupo ng limamput-walong packages ng groceries at bags na naglalaman ng tig-dalawang kilo ng bigas at isang daang lootbags para sa mga bata.
Mayroon ding limampung sako na naglalaman ng tig-dalawang kilo ng bigas, 100 na school supplies para sa mag-aaral na kindergarten hanggang grade 6 ng nasabing eskwelahan, at 100 pares na mga tsinelas.
Tampok din sa aktibidad ang libreng blood pressure at blood sugar monitoring, pagbibigay ng mga bitamina at gamot sa mga benepisyaryo at nagsagawa din ng feeding program.
Tiniyak ng PNP katuwang ang iba pang grupo na kasapi sa aktibidad na sila ay mas magiging produktibo at lalong palalawakin ang serbisyong ipapaabot sa mamamayan upang maipadama ang malasakit at magkaroon ng mas matibay na ugnayan sa komunidad tungo sa inaasam nating Bagong Pilipinas.
Source: Cagayan Police Provincial Office
Panulat ni Pat Leinee Lorenzo
