Tayum, Abra – Nagsagawa ng Community Outreach Program ang Tayum PNP sa Barangay Deet, Tayum, Abra noong Hunyo 26, 2022.
Ang aktibidad ay pinangunahan ni PLt Michael Anthony L Quela, Acting Chief of Police ng Tayum Municipal Police Station kasama ang mga tauhan ng Philippine Army na pinangungunahan ni TSG Arsenio Inigo at Abra Forensic Unit na pinamunuan ni PMaj Armando P Hiquiana, Deputy Chief.
Humigit kumulang 50 na bata ang nabigyan ng mainit na sopas at tetra juice.
Namahagi din ng mga vitamins at mga damit sa mga kabataan at mga magulang sa nasabing lugar.
Ayon kay PLt Quela, ang aktibidad na ito ay kaugnay sa Police Community Relation and Gender Awareness and Development Activities.
Layunin nitong mahatiran ng mga pangunahing serbisyo ang ating mga mamamayan at mas lalo pang mapalapit ang puso at isip sa ating mga kapulisan.
Source: PNP Abra Tayum
###
