Mabalacat, Pampanga – Matagumpay ang isinagawang Community Outreach Program ng Regional Mobile Force Battalion 3 sa Brgy. Sapang Balen, Mabalacat, Pampanga nito lamang Linggo, Mayo 15, 2022.
Ito ay sa pamumuno ni Police Colonel Wilson Delos Santos, Force Commander ng RMFB3 katuwang ang mga miyembro ng RMFB3 Force Multipliers.
Humigit kumulang 100 na relief goods at 100 pares ng tsinelas ang ipinamahagi sa mga residente sa nasabing lugar kung saan nagkaroon din ng feeding program para sa mga bata.
Ayon kay PCol Delos Santos, nakipag-ugnayan si Mr. Ryan Santos, President ng Philippine Mix Riders Club sa RMFB3 bilang sponsor sa nasabing aktibidad.
Dagdag pa ni PCol Delos Santos, lubos na nagpapasalamat ang mga residente sa PNP sa pagbibigay ng tulong sa kanila gayundin sa tumulong na sponsor.
Layunin ng aktibidad na makapag-abot ng tulong sa mga mamamayan na lubos na nangangailangan lalo na ngayong panahon ng pandemya.
###
Panulat ni Police Corporal Jeselle V Rivera
