Rizal, Occidental Mindoro – Nagsagawa ng Community Outreach Program ang mga tauhan ng Rizal Municipal Police Station sa 150 na kabataan kasama ang kanilang magulang sa Sitio Kalikasan, Brgy. Sto.Nino, Rizal, Occidental Mindoro noong Setyembre 21, 2022.
Ang aktibidad ay pinangunahan ng Rizal Municipal Police Station sa pangunguna ni Police Lieutenant Felifran Mae Ello, Deputy Chief of Police ng Rizal MPS kasama ang mga tauhan ng Philippine Army, 1st Occidental Mindoro Provincial Mobile Force Company, Kabataan Kontra Droga at Terorismo, at mga Brgy. Officials sa nasabing barangay.
Namahagi ang grupo ng relief goods, lumang damit, pagkain tulad ng sopas at arozcaldo, candies, at parlor games na may papremyo sa mga kabataan kasama ang kanilang magulang.
Simple at payak na selebrasyon ngunit nagbigay ng ngiti at saya sa mga taga Sitio Kalikasan.
Ang Pambansang Pulisya ay hinihikayat ang mga mamamayan na suportahan ang ganitong klaseng proyekto tungo sa kaayusan, kapayapaan at katahimikan ng kanilang komunidad.
Source: Rizal MPS
Panulat ni Patrolman Erwin Calaus
