Nagsagawa ng Community Outreach Program ang mga tauhan ng Police Provincial Community Affairs and Development Unit ng Pampanga sa Babo Pangulo Elementary School, Barangay Babo, Porac, Pampanga nito lamang ika-7 ng Pebrero 2024.
Ang naturang aktibidad ay pinangunahaan ni Police Colonel Levi Hope B Basilio, Provincial Director, na kung saan namahagi sila ng school supplies sa mga mag-aaral ng naturang paaralan.
Ang aktibidad ay isang positibong hakbang tungo sa pagpapalakas ng ugnayan at pagkakaisa sa pagitan ng mga kapulisan at mamamayan. Patunay din ito ng dedikasyon sa pagbibigay serbisyo publiko ng Pambansang Pulisya upang tugunan ang mga puwang sa edukasyon tungo sa positibong pagbabago.
Panulat ni Pat Bulahao
