Nagsagawa ng Community Outreach Program ang Inabanga PNP sa mga residente ng Barangay Napo, Inabanga, Bohol nito lamang Pebrero 18, 2024.
Ang nasabing aktibidad ay inisyatibo ng Inabanga PNP sa pangunguna ni Police Captain Ranulfo Butcon Acilo, hepe ng naturang istasyon kasama ang mga opisyales ng Barangay Napo.
Bahagi ng programa ang talakayan ang hinggil sa Gender-Related Laws, BIDA Program ng DILG, Anti- Terrorism at nagkaroon din ng pamamahagi ng food packs at hygiene kits sa mga residenteng nakiisa sa aktibidad.
Labis naman ang tuwa at pasasalamat ng mga naging bahagi ng programa sa tulong at impormasyon na hatid ng mga naging tagapagsalita mula sa kapulisan.
Ang PNP ay patuloy na maglulunsad ng parehong mga programa na magpapatibay sa maayos na ugnayan ng kapulisan sa komunidad na kabalikat sa paglaban sa anumang uri ng kriminalidad, kampanya kontra ilegal na droga at terorismo tungo sa maayos, mapayapa, at maunlad na Bagong Pilipinas.
Source: Inabanga MPS
Panulat ni Nikkia
