Nagsagawa ng Community Outreach Program ang Camarines Sur 1st Provincial Mobile Force Company para sa mga residente ng Brgy., Sta. Rosa del Sur, Pasacao, Camarines Sur nito lamang ika-30 ng Hunyo, 2022.
Ang Community Outreach Program ay binubuo ng iba’t ibang aktibidad tulad ng zumba fitness dance program, nail care, feeding program, libreng gupit at masahe para sa mga residente ng nasabing lugar.
Ito ay sa pangunguna ni Police Lieutenant Ric Rueda Reginales, Team Leader, sa pangangasiwa ni PLtCol Dennis Balute Balla, Force Commander ng CamSur 1st PMFC, at PCol Bernardo M Perez, Provincial Director, Camarines Sur Police Provincial Office.
Katuwang sa nasabing aktibidad ang Pasacao Municipal Police Station, Philippine Army, Kabataan Kontra Droga at Terorismo (KKDAT) Caranan, Technical Education and Skills Development Authority (TESDA) at Public Safety Office (PSO) Pasacao.
Lubos naman ang naging pasasalamat ng mga residente ng nasabing lugar sa PNP at Philippine Army dahil kahit gaano kalayo ang kanilang lugar ay naipapaabot pa din sa kanila ang iba’t ibang klase ng tulong.
Hindi magsasawa ang CamSur 1st PMFC ng Police Regional Office 5 sa pamumuno ni PBGen Mario A Reyes, Regional Director sa pagpapaabot ng iba’t ibang tulong mula sa PNP at iba pang ahensya ng gobyerno, at mga indibidwal na mga grupo lalo na sa mga residente na naninirahan sa Geographically Isolated and Disadvantaged Areas (GIDAs) ng Rehiyong Bicol.
Source: Camarines Sur 1st PMFC
###
Panulat ni Patrolwoman Rose Anne Delmita
