Tawi-Tawi – Aktibong nakilahok ang 5th Regional Mobile Force Company ng RMFB BASULTA sa pamumuno ni Police Captain Kiefer Dean Beray na ginanap sa Barangay Balimbing, Panglima Sugala, Tawi-Tawi nito lamang ika-9 ng Nobyembre 2023.
Ang naturang programa ay kaugnay ng selebrasyon sa 31st National Children’s Month na may temang “Healthy, Nourished, Sheltered: Ensuring the Right to Life for All” sa pangunguna ng Ministry of Social Service and Development.
Naging matagumpay ang aktibidad kung saan lubos ang pasasalamat ng mga kabataang naging benepisyaryo dahil sa tulong na kanilang natanggap tulad ng food packs, school supplies, at libreng mga damit, kasabay nito ay namahagi din ang naturang programa ng mga birth certificates.
Ang naturang programa na naglalayong mabigyan ng tulong ang mga lubos na nangangailangan at mapagtibay ang magandang ugnayan ng PNP at pamayanan gayundin ang iba pang sangay ng gobyerno.
Panulat ni Patrolman Charlie Nasroden Corpuz
