Kiangan, Ifugao – Nagsagawa ng Community Outreach Activity at Information Drive ang 1st Ifugao Provincial Mobile Force Company sa Nungkigadan Elementary School, Lingay, Kiangan, Ifugao noong Hunyo 13, 2022.
Ang aktibidad ay pinangunahan ni Police Major Michael Dangilan, Deputy Force Commander ng 1st Ifugao PMFC kasama ang Kiangan Municipal Police Station, PTCA Officers, Teachers at Barangay Officials ng nasabing barangay.
Nagsimula ang programa sa pagbibigay bati sa mga magulang, mag-aaral, at mga panauhin na pinangunahan ni Hon. Ferdinand Baguiat at sinundan naman ng makabuluhang mensahe ni PMaj Dangilan.
Nagbigay ng 40 Assorted School Supplies at Hygiene Kits, isang Gallon ng Alcohol at isang box ng bond paper na makakatulong sa eskwelahan at mga mag-aaral.
Nagsagawa din ng libreng tuli, gupit at mga palaro sa mga kabataan.
Bukod dito, nagbigay kaalaman sa mga dumalo patungkol sa Anti-Bullying, Rape Prevention, Anti-Terrorism, Anti-Illegal Drugs and Violence Against Women and their Children.
Binati at taos pusong nagpasalamat naman si Mr. Ruperto Dulnuan, Teacher in Charge ng nasabing paaralan sa tulong at malasakit na ipinakita ng PNP sa kanila lalo na sa mga mag-aaral sa kabila ng mahirap na daraanan para marating ang lugar.
Source: Uno Ifugao PMFC Cad
