Muntinlupa City — Nagsagawa ng Clean-Up Drive ang mga tauhan ng 1st Mobile Force Company ng Regional Mobile Force Battalion ng NCRPO sa tabi ng Biazon Creek, Brgy. Poblacion, Muntinlupa City bandang 9:30 ng umaga nito lamang Martes, Setyembre 6, 2022.
Ang aktibidad ay pinangunahan ni PCpl Cizzner Casaul, sa pangangasiwa ni Police Captain John Lloyd G Bawag, Company Commander ng 1st MFC, sa gabay naman ni Police Colonel Jonathan G Calixto, Force Commander ng RMFB.
Nilinis ng grupo ang paligid ng creek at pinutol ang mga matataas na damo upang di pugaran ng mga insekto. Pinagpupulot din nila ang mga basura na maaaring maging sanhi ng pagbaha.
Ang aktibidad na ito ay nagtataguyod ng isang malinis at ligtas na kapaligiran upang mapanatili ang maayos na pamayanan sa tulong ng ating mga kapulisan.
Source: 1st PMFC RMFB NCRPO
Panulat ni PSSg Remelin M Gargantos
