Nagsagawa ng Clean-up Drive ang mga tauhan ng Bulacan 1st Provincial Mobile Force Company sa Brgy. Wakas, Bocaue, Bulacan nito lamang Linggo, ika-28 ng Enero 2024.
Ang naturang aktibidad na pinamunuan ni Police Lieutenant Colonel Reyson Bagain, Force Commander ng Bulacan 1st Provincial Mobile Force Company kasama ang mga residente at opisyales ng nasabing barangay.
Nagkaisa ang bawat indibidwal sa pagtatanim at pagbubungkal ng lupa upang maipakita ang kahalagahan ng pagkakaroon ng mga pananim sa kapaligiran.
Ito ay kaugnay sa programa ng Pambansang Pulisya na KALIGKASAN o Kaligtasan at Kalikasan na naglalayong makiisa ang mga awtoridad sa pangangalaga ng ating Inang Kalikasan.
Patuloy ang Bulacan PNP sa pagsasagawa ng mga ganitong aktibidad upang mapanatili ang kagandahan at kahalagahan ng kalikasan.
Panulat ni Patrolwoman Pearl Crystalynne Javier
