Muling nagsagawa ang Southern Police District ng programang “Christmas in November Year 3” sa Barangay Kasilawan Function Hall, Makati City nito lamang Miyerkules, Nobyembre 22, 2023.
Ang programa ay pinangunahan ng District Community Affairs and Development Division sa pangunguna ni Police Colonel Jenny Tecson, Chief, DCADD sa ilalim ng pamumuno ni PBGen Mark Pespes, OIC, SPD, katuwang si Brgy. Chairman Marc Lester G. Gabriel at ang Soldiers of Christ Movement Inc. (SOCMI), na kinatawan ni Squads 21 at 22 Life Coach Sister Cecille Castro.
Namahagi ang kapulisan ng Hygiene/Health Kits, loot bags na may sari-saring meryenda, school supplies, at cash gift mula sa Squad 21 at 22 members at iba pang good Samaritans kung saan ang nakinabang dito ay ang 50 na bata na anak ng mga garbage collector ng Brgy. Kasilawan, Makati City.
Ang “Christmas in November” ay inilunsad noong 2021 kasama ang mga anak ng Jardin de Maria Orphanage, na pinamamahalaan ng Somascan Missionary Sisters sa Bacoor, Cavite, na sinundan ng mga kapus-palad na mga bata ng Brgy. Carmona, Makati City noong 2022.
Ang programa ay binubuo ng gift giving, feeding, parlor games, at pagbibigay ng mga papremyo, pagkukuwento tungkol sa Pasko, health tips, livelihood demonstration, pagkanta at pagsayaw ng Squad 21 at 22 policewomen.
Ang aktibidad na ito ay naaayon sa 5-Focused Agenda ng Police General Benjamin C Acorda, Jr., Chief, PNP, partikular sa community engagement.
Source: DCADD SPD
Panulat ni PSSg Remelin M Gargantos
