Umabot sa mahigit Php1.1 milyong halaga ng shabu ang nasabat sa isang binatilyo sa ikinasang buy-bust operation ng kapulisan ng National Capital Region Police Office nito lamang Miyerkules, Pebrero 21, 2024.
Kinilala ni PMGen Jose Melencio C Nartatez, Jr, Regional Director ng NCRPO, ang naarestong suspek na si John James, 22 taong gulang, isang porter at nakatira sa Barangay 77, Pasay City.
Ayon kay PMGen Nartatez Jr, naganap dakong 3:00 ng madaling araw ang operasyon sa kahabaan ng Captain Merong Street, Corner M. Acosta Street, Barangay 77, Pasay City, sa pinagsanib puwersa ng Regional Drug Enforcement Unit, Regional Intelligence Division, District Drug Enforcement Unit ng Southern Police District, at Pasay City Police Station na nagresulta sa pagkakadakip sa binatilyo.
Nakuha mula sa possession at control ng suspek ang isang (1) piraso ng knot-tied at tatlong (3) heat-sealed transparent plastic sachet na naglalaman ng hinihinalang shabu na humigit-kumulang sa 175 gramo na halagang Php1,190,000.
Nahaharap ang naarestong suspek sa kasong paglabag sa Seksyon 5 (Pagbebenta) Artikulo II ng Republic Act 9165 o Comprehensive Dangerous Drugs Act of 2002.
“Habang pinalalakas ng Team NCRPO ang laban nito sa paglaganap ng ilegal na droga sa Metro, ipinagmamalaki namin ang patuloy na tagumpay ng aming mga pagsisikap, kabilang ang pagkahuli sa mga drug suspect at pag-agaw ng mga pinaghihinalaang ilegal na sangkap. Ang mga tulak at gumagamit ng droga na ito ay tiyak na mailalagay sa likod ng mga rehas. Hinihiling namin sa pangkalahatang publiko na suportahan kami, makipagtulungan sa amin, at iulat ang anumang katulad na ilegal na aktibidad para maging ligtas ang NCR para sa lahat,” ani PMGen Nartatez.
Source: RPIO NCRPO
Panulat ni PSSg Remelin M Gargantos
