Sultan Kudarat – Sumuko ang isang miyembro ng Bangsamoro Islamic Freedom Fighters (BIFF) – Karialan Faction sa mga awtoridad sa Sultan Kudarat Police Provincial Office, Kalawag 2, Isulan, Sultan Kudarat, nito lamang ika-12 ng Oktubre 2023.
Kinilala ni Police Colonel Christopher Bermudez, Provincial Director, Sultan Kudarat Police Provincial Office, ang sumuko na si alyas “Matrix”, 27, walang asawa, magsasaka, at residente ng Brgy. Bakat, Rajah Buayan, Maguindanao Del Sur.
Kasabay ng kanyang pagsuko ay ang pagturn-over ng isang M203 Grenade Launcher at isang round cartridge 40mm grenade.
Nagpasalamat naman si Police Brigadier General Jimili Macaraeg, Regional Director ng Police Regional Office 12, sa Sultan Kudarat PNP sa tulong nito sa mapayapang pagsuko ng rebelde tungo sa pagkamit ng isang mapayapa at maunlad na bansa.
Panulat ni Patrolman Khnerwin Jay A Medelin
