Nagsagawa ng “Buhay Ingatan, Droga’y Ayawan” o BIDA Program ang mga tauhan ng Nueva Ecija PNP para sa mga residente ng Barangay Kaliwanagan, San Jose City, Nueva Ecija nito lamang Martes, ika-23 ng Abril 2024.
Ang aktibidad ay pinangunahan ni Police Staff Sargeant Arnel Ventura, Chief Community Affairs and Development-Police Non Commissioned Officer ng 2nd Provincial Mobile Force Company Nueva Ecija Police Provincial Office sa ilalim ng pamumuno ni Police Major Bryan Christopher Baybayan, Force Commander.
Tinalakay ng mga Kapulisan ng Nueva Ecija PNP ang masamang dulot at mga epekto ng ilegal na droga sa ating katawan.
Ipinaliwanag din ng mga awtoridad ang ating batas at mga karampatang parusa na lalabag sa Republic Act 9165 o Comprehensive Dangerous Drugs Act of 2002.
Ito ay parte ng programa ng Department of Interior and Local Government (DILG).
Layunin ng mga kapulisan na madagdagan ang kamalayan ng mga mamamayan sa masamang epekto ng paggamit ng ilegal na droga sa kanilang kalusugan at kinabukasan.
Patuloy ang Nueva Ecija PNP sa pagpapaigting ng ugnayan sa iba’t ibang sektor ng pamayanan upang mapanatiling ligtas at tahimik ang ating komunidad.
Panulat ni Pat Jilly A Peña
