Talaingod, Davao del Norte – Malakas man ang buhos ng ulan ay hindi nagpatinag ang mga tauhan ng Revitalized-Pulis sa Barangay (R-PSB) upang ayusin ang mahirap na daan sa Sitio Kamingawan, Palma Gil, Talaingod, Davao del Norte noong Marso 1, 2022.
Sa tulong ng mga residente ng sitio ay kanilang isinagawa ang road maintenance o ang “Bayanihan Panpan sa Dalan” upang maging maayos ang motor-trail road mula Sitio Kamingawan hanggang Sitio Indangan sa ilalim ng pangangasiwa ni PLt Vizmart Ricohermoso, Team Leader.
Ang kalagayang tulad nito ay ilan lamang sa mga nararanasan ng mga residente sa Geographically Isolated and Disadvantaged Areas o GIDAS lalo na sa tuwing umuulan sapagkat ang mga daan rito ay hindi pa kongkreto.
Layunin ng ating kapulisan na mas mapabuti ang kalsadang dinadaanan ng mga motorista sa nasabing lugar na talaga namang napakaimportante sa kanilang pang araw-araw na pamumuhay. Dagdag pa rito ay upang mabigyan at maipaabot ang mahahalagang serbisyo ng gobyerno lalong lalo na para sa mga kapatid nating katutubo.
####
Panulat ni Pat Rose Ann M Delmita RPCADU 11
