Sugatan ang isang suspek sa nangyaring barilan sa isinagawang hot pursuit operation ng South Cotabato PNP sa Barangay El Nonok Banga, South Cotabato nito lamang Marso 23, 2024.
Kinilala ni Police Brigadier General Percival Augustus P Placer, Regional Director ng Police Regional Office 12, ang suspek na si alyas “Bonjon”, 31 anyos at residente ng nasabing lugar.
Ayon kay PBGen Placer, naaresto si Bonjon bandang alas-7:30 ng gabi ng mga operatiba ng Intelligence Section ng Santo Niño Municipal Police Station dahil sa idinulog ni Joylyn Navaro Basbañosa na di umano ay tinatakot siya ng suspek na kapag hindi makipagkita ay papatayin sya nito.
At nang nilapitan ng mga awtoridad ang suspek ay bigla itong bumunot ng baril na naging dahilan upang unahan nila ang suspek. Dahil dito, nasugatan ang suspek at dinala sa pinakamalapit na ospital para malapatan ng paunang lunas.
Narekober mula sa suspek ang isang motorsiklo na kulay itim wizard 125, isang yunit ng homemade cal.5.56, tatlong bala at mga plastic sachet ng hinihinalang shabu na may mahigit kumulang 6.8 gramo na may Standard Drug Price na Php42,240.
Kasong paglabag sa Republic Act 10591 o Comprehensive Firearm and Ammunition Regulation Act at RA 9165 o Comprehensive Dangerous Drugs Act of 2002 ang kakaharapin ng suspek.
Tiniyak naman ni PBGen Placer na ang buong hanay ng Pulis Rehiyon Dose ay mas lalong paiigtingin ang pagpapatrolya sa lansangan at sa kanilang mga nasasakupan upang maagapan ang anumang krimen at hindi inaasahang pangyayari.
Panulat ni Pat Brylyn Jean Cabonilas
