Nasabat mula sa dalawang indibidwal ang mga ilegal na baril at bala sa Purok 4, Barangay Lagandang, Isulan, Sultan Kudarat nito lamang Hulyo 28, 2024.
Kinilala ni Police Lieutenant Colonel Julius R Malcontento, Hepe ng Isulan Municipal Police Station, ang mga suspek na sina alyas “Zai”, 31 anyos, may asawa at si “Ben”, 27 anyos, may asawa na parehong residente ng nasabing lugar.
Ayon kay PLtCol Malcontento, nakatanggap ng tawag ang istasyon mula sa isang Barangay ng Lagandang na may dalawang armadong indibidwal kaya agad na pinuntahan at nasabat sa mga suspek ang isang yunit ng cal. 45 pistol, magazine na naglalaman ng limang bala, isang yunit ng Magnum 357 revolver na naglalaman ng limang bala.
Ang dalawang suspek ay nahaharap sa kasong paglabag ng Republic Act 10591 o Comprehensive Firearms and Ammunition Regulation Act.
Sa kabilang dako, hinikayat rin ng pulisya ang publiko na makipagtulungan sa kanila para mapigilan ang pagkalat ng ilegal na mga baril para sa mas ligtas na komunidad.
