Tacloban City – Nasakote ang apat na indibidwal sa ikinasang buy-bust operation ng mga operatiba PNP at PDEA 8 sa Brgy. 106, Sto. Niño, Tacloban City nito lamang Huwebes, ika-23 ng Marso 2023.
Kinilala ni Police Major Joselito Amistoso, Station Commander ng Tacloban City Police Station 3, ang mga suspek na sina alyas “Joel”, 39, alyas “Jan”, 28, alyas “Jason”, 38 at alyas “Johnson”, 31 at pawang mga residente ng Brgy. 106, Sto. Niño, Tacloban City.
Ayon kay PMaj Amistoso, bandang 1:10 ng madaling araw ng ikasa ang operasyon ng Station Drug Enforcement Unit-Police Station 2 sa pangunguna ni Police Captain Rey Baldicanao Jr at Philippine Drug Enforcement Agency Regional Office 8.
Nakumpiska mula sa mga suspek ang 5 na gramo ng hinihinalang shabu na nagkakahalaga ng Php34,000 at iba pang drug paraphernalia.
Nahaharap ang mga suspek sa kasong paglabag sa Sec. 5, 11 at 12 ng Article II sa ilalim ng RA 9165 o Comprehensive Dangerous Drugs Act of 2002.
Ang PNP at PDEA ay patuloy sa pagpupursigi para pigilan at labanan ang paglaganap at kalakalan ng ilegal na droga sa komunidad.
