Samar – Apat na dating rebelde ang nakatanggap ng benepisyo mula sa gobyerno sa tulong ng 1st Samar Provincial Mobile Force Company noong Hunyo 16, 2023 sa 1st Samar PMFC Headquarters sa Brgy. Palanas Cara, Calbayog City, Samar.
Ito ay personal na iniabot ni Police Major Marval Diaz, Force Commander ng 1st Samar PMFC, kasama ang DTI Calbayog sa pamumuno ni Maricel B Navarra, OIC BDD Chief.
Ang mga dating rebelde ay nakatanggap ng Entrepreneurial Development Training at Livelihood Kits na nagkakahalaga ng Php8,000 at Sari-Sari Package para sa bawat isa sa kanila.
Ayon kay PMaj Diaz, ang programang ito ng gobyerno ay naglalayong ihatid sa mga rebeldeng nasa bundok pa rin na nakikinig sa masasamang ideolohiya ng mga teroristang grupo.
Kaagapay din ng National Task Force to End Local Communist Armed Conflict (NTF ELCAC) ang ating mga kapulisan para tulungan ang mga taong naapektuhan ng insurhensiya kasama na ang mga dating rebelde na ngayon ay kaisa ng gobyerno.
