Marilog District, Davao City – Nagsagawa ng PNP Outreach Program ang RMFB 11 R-PSB Team Marilog Cluster 2 sa Marilog District, Davao City.
Ang aktibidad ay pinangunahan ni PLt Bernard Blair Capitan, Team Leader ng RMFB 11 R-PSB Team Marilog Cluster 2.
Sa nasabing aktibidad ay matagumpay na naturn-over ang mahigit dalawang daang metrong hose na gagamitin sa pagsusuplay ng tubig sa sitio kung saan tatlumpu’t limang kabahayan ang makikinabang sa nasabing proyekto.
Nagbigay din ng iba pang pangunahing serbisyo sa mga residente tulad ng Oplan Gupit kung saan labinlimang mga bata ang nabigyan ng libreng gupit at namahagi din ng tatlumpung pirasong ballpen at lapis sa mga bata.
Nagsagawa din ng feeding program kung saan animnapung residente ng nasabing sitio ang nakinabang.
Ang quick impact project na “Patubig” at Outreach program na ito ay resulta ng need assessment survey ng R-PSB Team Marilog Cluster 2 kasama ng ating mga stakeholder na sina Frans Maz Chang at PA, Marocay Lechon Manok, na tinupad ang pangako nito sa mga residente ng nasabing sitio.
Higit pa rito, ang mga residente sa pamamagitan ni Datu Juvie Alig, Sitio Lider, ay nagpahayag ng pasasalamat sa mga pagsisikap na ginawa ng ating R-PSB Team Marilog Cluster 2 na nagpalakas naman ng kanilang tiwala at kumpiyansa sa PNP at sa Gobyerno.
