Mariing pinapaalalahanan ng Philippine National Police (PNP) ang publiko, partikular na ang mga estudyante at kabataan na mahigpit na isaalang-alang ang mga security protocol kasunod ng pag-aresto ng isang 20-year-old na college student na nagbahagi umano ng bomb-related joke sa isang school campus sa Argao, Cebu.
Ayon sa PNP, nangyari ang insidente noong August 25 sa Cebu Technological University–Argao Campus, kung saan nagsagawa ang security guard ng routine bag inspection. Narinig umano ang naturang estudyante na nagbirong may bomba sa loob ng kanyang bag. Ngunit wala namang natagpuang ito ay hinalungkat ng mga awtoridad.
Kinilala ang estudyante sa alyas na “Clark,” na agad na isinailalim sa kustodiya ng Argao Municipal Police Station at nahaharap sa kasong paglabag sa Presidential Decree No. 1727, o ang Anti-Bomb Joke Law.
Pahayag pa ni Police General Jose Melencio C. Nartatez Jr., Chief PNP, na ang parehong mga security measure sa paaralan at sa iba pang mga pampublikong lugar ay ipinapatupad upang maiwasan ang anumang banta sa kaligtasan ng lahat, kaya mahigpit na ipinagbabawal ang pagsasabi ng parehong mga bagay.
“Even if it is meant as a joke, a statement about a bomb can cause fear and disrupt the normal activities of an entire community. We should be mindful of what we say, especially in places where people expect to feel safe. A simple joke is not worth creating unnecessary alarm,” saad pa ni PGen Nartatez.
“The PNP likewise encourages the public to avoid making, spreading, or sharing unverified bomb threats or similar statements that may cause unnecessary concern. Under PD 1727, bomb jokes and false bomb threats may carry legal consequences,” dagdag pa ng pulisya.
Nanawagan naman ang PNP sa publiko na patuloy na makipagtulungan sa mga awtoridad sakaling mayroong parehong insidente sa kanilang lugar upang mas mapabilis ang pagresponde nila para sa maayos at ligtas na mga komunidad alinsunod sa adbokasiya ng “Bagong PNP para sa Bagong Pilipinas: Serbisyong Mabilis, Tapat at Nararamdaman.”
Source: https://www.facebook.com/share/p/1SAx3VroLc/?mibextid=wwXIfr
