Nakatanggap ng tulong sa pamamagitan ng Community Outreach Program para sa Indigenous People (IP) ang mga mag-aaral ng Baguio Central Elementary School bilang bahagi ng pagdiriwang ng ika-31 Police Community Relations (PCR) Month sa Brgy. Baguio Proper, Davao City noong Agosto 1, 2026.
Pinangunahan ang aktibidad ni Police Lieutenant Colonel Christian Antonio D. Garcia, Chief ng Traffic Enforcement Unit ng Davao City Police Office (TEU), sa ilalim ng pamumuno ni Police Colonel Peter Bauzon Madria, City Director, kasama si Police Major Jake C. Goles, Chief ng City Community Affairs and Development Unit, mga opisyal ng TEU Advisory Support Group, at iba pang stakeholders, sponsors, at donors.
Sa pakikipagtulungan ng pamunuan ng barangay at ng Baguio Central Elementary School, may kabuuang 200 IP learners ang nabigyan ng school supplies, tsinelas, packed lunch, biskwit, at iba pang sorpresa bilang suporta sa kanilang pag-aaral.
Sa pamamagitan ng programang ito, muling pinagtibay ng Davao City Police Office ang matibay na ugnayan sa komunidad at ang patuloy nitong suporta sa edukasyon at kapakanan ng mga kabataan na naaayon sa mantra ng PNP na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: Davao City Police Office
