Nasawi ang anim (6) na hinihinalang mga miyembro ng carnapping group makaraang holdapin ang isang gasoline station at makipagbarilan sa mga pulis noong Oktubre 14, 2021 sa Antipolo City, Rizal.
Ayon kay Philippine National Police (PNP) Chief, Police General Guillermo Lorenzo T. Eleazar, inaalam pa ng mga awtoridad kung sangkot ang mga suspek sa pagpatay sa security guard ng isang convenience store sa Antipolo City na nakunan sa CCTV at nag-viral sa social media noong nakaraang linggo.
Batay sa inisyal na imbestigasyon, tinangkang nakawan ng mga suspek ang gasoline station sa Sitio Boso-Boso sa Barangay San Jose.
Matagal nang minamanmanan ng PNP-Highway Patrol Group ang mga suspek at nang makatanggap ng report na nasa gasoline station ang naturang grupo, agad nilang pinuntahan ang lugar at nakita ang mga suspek na lulan ng isang kotse at motorsiklo.
Unang nagpaputok ng baril ang mga suspek sa paparating na mga pulis na nagresulta sa habulan.
Nokorner naman ang grupo matapos maglagay ng road block ang Rizal Police Provincial Office sa mga ruta na pwede nilang daanan.
Imbes na sumuko, nakipagbarilan pa ang mga suspek sa mga awtoridad na naging sanhi ng kanilang pagkasawi.
Ang grupo ay responsable sa mga insidente ng pagnanakaw sa Tarlac, Pampanga, Bulacan, Metro Manila, at Rizal.
Pinapurihan ni PGen Eleazar ang matagumpay na operasyon ng HPG at Rizal PPO.
“Let this serve as a strong message to the criminal elements that while the PNP is extending its assistance to contain the spread of the COVID-19, we have not lower our guard against them and we will continue to do so to maintain peace and order and to protect the people as the government starts to normalize the economy,” giit ni PGen Eleazar.
Samantala, ipinag-utos din ng hepe sa lahat ng unit commanders na paigtingin pa ang kampanya kontra kriminalidad lalo na sa muling pagluwag ng quarantine restrictions at pagbubukas ng ating ekonomiya.
Photo Courtesy: mb.com.ph
#####
Article by Police Corporal Josephine T Blanche
