Pinalakas ng Philippine National Police (PNP) ang paghahanda sa seguridad para sa unang parliamentary elections sa Bangsamoro Autonomous Region in Muslim Mindanao (BARMM) ngayong Setyembre, na nakatuon sa pag-iwas sa karahasan at pagbuwag sa mga pribadong armadong grupo.
Sinabi ni Police General Jose Melencio Nartatez Jr., Chief, PNP, na ang sitwasyon sa seguridad sa rehiyon ay nananatiling mapapamahalaan ngunit sensitibo, na may pinaigting na pagsubaybay sa mga potensyal na flashpoints, partikular sa mga lugar na may kasaysayan ng aktibidad ng armadong grupo.
“We are under strict instructions from the President to ensure that the ‘rule of the gun’ does not supersede the ‘rule of the ballot.’ Our campaign against loose firearms and the neutralization of Private Armed Groups is aggressive and continuous,” saad ni PGen Nartatez Jr.
Nabatid na nabanggit din nito na ang “red-category” na lugar ay natukoy na at nagsagawa na rin ng proactive interdiction.
Ang inaugural na halalan sa parlamentaryo ng BARMM ay gaganapin sa Setyembre 14, 2026, kasunod ng pagsasabatas ng Republic Act No. 12317 na nilagdaan ni Pangulong Ferdinand R. Marcos Jr., na nag-reset ng mga botohan sa ikalawang Lunes ng Setyembre 2026 pagkatapos ng maraming pagpapaliban mula noong 2022.
Sinabi ni Nartatez na ang rescheduling ay nagbigay-daan sa PNP na palakasin ang intelligence posture nito sa pamamagitan ng mas malalim na validation ng threat groups at mas tumpak na pagmamapa ng political hotspots at inaasahang aabot sa 9,000 na pulis ang i-de-deploy sa naturang halalan.
“A significant portion will come from outside the region, including elite units from the Special Action Force. This ensures no officer is placed in a situation where personal ties could affect professional duty,” dagdag ni CPNP Nartatez Jr.
Source:https://www.pna.gov.ph/articles/1274036ms:PNP pinalakas ang intelligence, deployment bago ang makasaysayang botohan sa BARMM
