Zamboanga City – Arestado ang Wanted Person sa isinagawang Manhunt Charlie ng Zamboanga PNP sa kasong Statutory Rape nito lamang Huwebes, Abril 14, 2022.
Kinilala ni Police Major Jamar Tagayan, Chief of Police ng Zamboanga City Police Station 1, ang naarestong suspek na si Jose Macario Abraham, 37 at residente ng Sitio Campo, Barangay Sibulao, Zamboanga City.
Ayon kay PMaj Tagayan, bandang 10:30 ng gabi naaresto ang suspek sa Sitio, 20km Brgy Sibulao, Zamboanga City sa pinagsanib na puwersa ng Zamboanga City Police Station 1 at Zamboanga City Police Mobile Force Company.
Dagdag pa ni PMaj Tagayan, inaresto si Abraham sa bisa ng Warrant of Arrest para sa kasong Statutory Rape at walang nirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong / RPCADU 9
