Hinobaan, Negros Occidental– Tinaga hanggang sa mapugutan ng ulo ang isang lalake sa bayan ng Hinobaan, Negros Occidental nito lamang gabi ng Huwebes Santo, Abril 14, 2022.
Kinilala ni Police Major John Ganzon, Officer-in-Charge ng Hinobaan Municipal Police Station, ang biktima na si Rene Caño, 34, walang asawa at residente sa Zone 12, Sitio Sangke, Barangay Bacuyangan, Hinobaan, Negros Occidental.
Ayon kay PMaj Ganzon, ang suspek ay nagngangalang Jerry Del Carmen, may live-in partner at parehong residente sa nasabing lugar.
Ayon pa kay Police Major Ganzon, tinaga ng suspek ang biktima dahil sa selos nito sa kanyang live-in partner.
Samantala, agad namang nahuli ang suspek nitong Biyernes, Abril 15, 2022 sa isinagawang follow-up operation ng kapulisan at kasalukuyang nakapiit sa custodial facility ng Hinobaan Municipal Police Station.
Siniguro naman ng ating kapulisan na mananagot ang suspek sa kanyang krimeng nagawa at tiniyak na masasampahan ito ng kaso sa mas madaling panahon.
###
