Davao City – Tinatayang Php256,000 na halaga ng shabu ang nasabat sa buy-bust operation ng mga operatiba ng Davao City sa isang suspek nitong Huwebes, Marso 10, 2022.
Kinilala ni Police Major Jake Goles, Station Commander ng Sta Ana Police Station (PS1) ang suspek na si Meliton Mangatol Gentapa Jr. alyas “Jun-Jun”, 22, residente ng Purok 14 Sagayen Asuncion, Davao del Norte.
Ayon kay Police Major Goles, nahuli ang suspek sa Sta. Ana, R. Castillo St. Brgy. R. Castillo, Davao City ng mga tauhan ng Sta Ana Police Station (PS1) ng Davao City Police Office.
Ayon pa kay Police Major Goles, nasamsam sa suspek ang tatlong malalaking plastik sachet na naglalaman ng hinihinalang shabu na may bigat na humigit kumulang 16 gramo na tinatayang nagkakahalaga ng Php256,000.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang PNP ay patuloy na paigtingin ang kampanya laban sa ilegal na droga saan mang sulok ng bansa.
###
Panulat ni Patrolman Alfred Vergara
