Magkatuwang na ibinalik sa karagatan ng Palawan Council for Sustainable Development Staff at Coron Maritime Police – Special Operations Unit II ang 12 live marine species na una nang nakumpiska ng Enforcement Team/Wildlife Traffic Monitoring Unit sa mga mangingisda dahil sa kawalan ng travel clearance sa bayan ng Coron nito lamang ika-22 ng Pebrero 2025.
Limang Black Cod, apat (4) na Red Cod at tatlong Red Suno ang ini-release ng mga awtoridad sa Siete Picados Marine Park sa Barangay Tagumpay, Coron, Palawan.
Ayon sa Maritime PNP, ang aktibidad na ito ay bilang pagtalima sa ipinatutupad na environmental protection guidelines upang matiyak ang pagpapahalaga at pangangalaga sa lokal na buhay nila at marine biodiversity.
Source: Coron Maritime Pulis SOU II
Panulat ni Patrolwoman Ana Rose D Guadaña
