Arestado ang isang High Value Individual at isang Street Level Individual sa magkahiwalay na buy-bust operation ng mga tauhan ng Cavite PNP at PDEA 4A nito lamang Nobyembre 18, 2024 sa Barangay Bulihan, Silang, Cavite.
Kinilalal ni Police Colonel Dwight E Alegre, Acting Provincial Director ng Cavite PPO, ang mga suspek na sina alyas “Boss,” 30 taong gulang, nakalista bilang High Value Individual (HVI) at si alyas “Ryan,” 36 taong gulang, nakalista bilang Street Level Individual (SLI), na pawang mga residente ng Barangay Bulihan, Silang, Cavite.
Sa pagtutulungan ng Cavite Police Provincial Office (CAV PPO) Provincial Drug Enforcement Unit (PDEU), Silang Municipal Police Station (MPS), at ng Philippine Drug Enforcement Agency (PDEA) Cavite, nakuha ang apat na heat-sealed transparent plastic sachet na naglalaman ng hinihinalang shabu na may pinagsamang timbang na tinatayang 50 gramo at may Standard Drug Price na Php340,000, isang Php500 bill na may serial number JE459132 na ginamit bilang buy-bust money, at isang unit ng Android cellphone.
Ang mga naarestong suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002” laban sa mga suspek.
Patuloy ang pinaigting na kampanya kontra kriminalidad ng ating kapulisan sa buong lalawigan upang matagumpay na maisakatuparan ang misyon na protektahan ang ating komunidad.
Source: Cavite PPO-PIO
Panulat ni Pat Maria Sarah P Bernales
