Isang matagumpay na rescue operation ang isinagawa ng mga tauhan ng Quirino PPO sa pangunguna ni Police Colonel Augosto P Bayubay, Provincial Director, kung saan nailigtas sa tiyak na panganib ang isang Person with Disability (PWD) sa Bayan ng Diffun nito lamang ika-11 ng Nobyembre 2024.
Ang operasyon ay naisagawa sa aktibong koordinasyon at pagtutulungan ng mga lokal na ahensya tulad ng Provincial Disaster Risk Reduction and Management Office (PDRRMO), Municipal Disaster Risk Reduction and Management Office (MDRRMO) Diffun at Bureau of Fire Protection (BFP).
Ang matagumpay na pagsagip ay nagsilbing patunay ng magandang ugnayan at kooperasyon ng mga ahensya sa pagtugon sa mga emergency situation, lalo na sa mga nangangailangan ng agarang tulong tulad ng mga PWD. Pinagtulungang ilikas ang residente sa kanyang bahay na lumubog na sa baha sa kasagsagan ng bagyong Nika sa lugar.
Ang nasabing operasyon ay isa lamang sa mga hakbang ng Quirino PPO at ng buong hanay ng pulisya upang matiyak ang kaligtasan at kapakanan ng bawat mamamayan sa lalawigan at kanilang mga bayang nasasakupan.
Source: QPPO
Panulat ni Pat Leinee Lorenzo
