Nakumpiska ang tinatayang Php374,000 halaga ng shabu at baril ng mga operatiba ng Taguig City Police Station habang tiklo ang dalawang suspek sa Barangay Sta. Ana, Taguig City nito lamang Nobyembre 2, 2024.
Kinilala ni Police Brigadier General Bernard Yang, District Director ng Southern Police District, ang mga suspek na sina alyas “Sonny Boy”, 28 anyos, High Value Individual, at si alyas “Boy”, 43 anyos.
Ang operasyon ay nagresulta sa pagkakakumpiska ng isang knot-tied plastic sachet na naglalaman ng humigit-kumulang 45 gramo ng hinihinalang shabu na may tinatayang street value na Php306,000, at dalawang heat-sealed transparent plastic sachets na naglalaman ng humigit-kumulang 10 gramo ng hinihinalang shabu na nagkakahalaga ng Php68,000, isang caliber .40 pistol na may markang PT 24/7 PRO FORJAS TAURUS S.A. na may kargang isang bala, dalawang magasin para sa caliber .40 pistol, 11 .40 caliber na bala, pulang coin purse, at isang sling bag.
Mahaharap naman ang mga suspek sa mga reklamo para sa paglabag sa Section 11, Article II ng Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang PNP ay mananatiling alerto at patuloy sa pagsasagawa ng mga operasyon kontra ilegal na droga at anumang uri ng kriminalidad upang makamit ang isang ligtas at maunlad na Bagong Pilipinas.
Source: SPD PIO
Panulat ni PSSg Remelin Gargantos
