Nagsagawa ng Police Visibility ang mga tauhan ng Ubay Municipal Police Station para sa Ligtas Undas 2024 sa San Pascual Old and New Cemetery sa Barangay San Pascual, Ubay, Bohol, bandang 8:00 ng umaga noong Nobyembre 1, 2024.
Ang aktibidad ay pinangunahan ni Police Captain Amelito M. Melloria, Chief of Police ng Ubay MPS kasama ang mga tauhan ng Ubay Fire Station at mga Barangay Tanod ng Barangay San Pascual upang matiyak ang seguridad ng mga dadalaw sa kanilang mga mahal sa buhay sa sementeryo.
Naghatid din ng kamalayan ang mga kapulisan sa pamamagitan ng pagbibigay ng flyers tungkol sa Crime Prevention and Safety Tips.
Ang naturang aktibidad ay kaugnay sa Safety measures ng kapulisan para sa mapayapang paggunita sa Araw ng mga Santo at sa Araw ng mga Kaluluwa.
Ipinagpapatuloy pa rin ng kapulisan ang paghahatid ng serbisyo para sa pamayanan tungo sa isang mas maayos at ligtas na Bagong Pilipinas.
Source: PNP Ubay PS
Panulat ni Patrolwoman Monica Wahing Labajo
