Arestado ng mga tauhan ng Taguig City Police Sub-Station 2 ang isang 57 anyos na lalaki sa ikinasang search warrant na nagresulta sa pagkakakumpiska ng baril at bala dakong 9:46 ng gabi nito lamang Lunes, Oktubre 14, 2024.
Kinilala ni Police Colonel Christopher Olazo, Acting Chief of Police ng Taguig City Police Station, ang suspek na si alyas “Rico”, 57 taong gulang.
Narekober ng mga awtoridad ang isang caliber .45 pistol, pouch, siyam na bala, tatlong magazine, belt bag, at replica ng kalibre .45.
Inihahanda na ang reklamo ng paglabag sa Republic Act 10591 o Illegal Possession of Firearms and Ammunition laban sa naarestong suspek.
Samantala, pinuri ni Police Brigadier General Bernard Relato Yang, District Director ng Southern Police District, ang Taguig City PNP. “Ang pag-aresto kay alyas Rico ay nagtatampok sa aming patuloy na pagsisikap na sugpuin ang mga ilegal na baril at pahusayin ang kaligtasan ng publiko. Pinahahalagahan namin ang pakikipagtulungan ng mga lokal na opisyal at mga kinatawan ng media sa matagumpay na operasyong ito. “Hinihimok ang komunidad na iulat ang anumang kahina-hinalang aktibidad sa mga awtoridad habang patuloy ang kampanya ng pulisya laban sa mga ilegal na baril at iba pang kriminal na aktibidad.”
Source: SPD PIO
Panulat ni PSSg Remelin M Gargantos
