Nasabat ng pulisya ang tinatayang Php1,142,400 halaga ng shabu sa dalawang naarestong High Value Individual sa isinagawang joint buy-bust operation sa Purok 3, Barangay Barurao 2, Lebak, Sultan Kudarat nito lamang Agosto 9, 2024.
Kinilala ang mga suspek na sina alyas “Efren”, 42 anyos, may asawa, driver at residente ng Purok Malipayon, Barangay Cadis, Kalamansig Sultan Kudarat at alyas “John”, 20 anyos, binata, walang trabaho at residente ng Purok 3, Barangay Limulan, Kalamansig, Sultan Kudarat.
Ayon kay Police Lieutenant Colonel William L Facsoy Jr, Hepe ng Lebak Municipal Police Station, bandang 6:39 ng hapon nang maaresto ang mga suspek ng mga operatiba ng Lebak MPS, katuwang ang DEU, SKPDEU/SKPIU, 2nd SKPMFC at Delta RID12 Tracker Team Delta.
Narekober sa mga suspek ang walong plastic sachets ng pinaghihinalaang shabu na may tinatayang kabuuang timbang na 168 gramo na may tinatayang market value na Php1,142,400, isang hand grenade, isang pirasong maliit na Black Ecobag at isang Unit ng Cellphone Itel A667LP.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang mga suspek.
Ang PNP ay mas pinaigting ang kampanya laban sa ilegal na droga para mapanatili ang seguridad at kapayapaan sa bansa tungo sa isang Bagong Pilipinas.
