Nakumpiska ng mga awtoridad ang tinatayang Php6,800,000 halaga ng shabu sa isang High Value Individual sa isinagawang buy-bust operation sa Barangay Canelar, Zamboanga City nito lamang ika-08 ng Augusto 2024.
Kinilala ni Police Brigadier General Bowenn Joey M Masauding, Regional Director ng Police Regional Office 9, ang naarestong suspek na sina alyas “Bado”, HVI, 24 anyos, walang asawa, residente ng Barangay Kagay Talipao, Sulu.
Nakumpiska mula sa suspek ang isang vacuum sealed plastic pack na naglalaman ng pinaghihinalaang shabu na may timbang na humigit kumulang isang kilo na nagkakahalaga ng Php6,800,000, siyam na bundles ng boodle money, isang android na cellphone, transparent bag, purple eco bag, at iba pang non-drug evidence.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin lalo na sa kampanya kontra ilegal na droga upang mapanatiling ligtas ang kanilang nasasakupan.
Panulat ni Patrolwoman Joyce Franco
