Sa kabila ng masalimuot na pagguho ng lupa sanhi ng tuloy tuloy na pagbuhos ng ulan na dala ng bagyong Carina na ikinasawi ng apat na tao, matagumpay na nailigtas ng kapulisan kaninang umaga ang isang buntis at tatlong menor de edad sa Sitio Manalao na sakop ng Barangay Subic Ilaya.
Sa pagtutulungan ng mga kawani ng PNP Agoncillo at lokal na pamahalaan ay nailigtas ang isang anim na buwang buntis kasama ang tatlong kabataan na may edad siyam, labintatlo, at labinlimang gulang.
Ang mga biktima ay kinilalang mga miyembro ng pamilya Rimas na pawang mga residente ng naturang lokalidad.
Ayon kay Police Major Broderick B Noprada, hepe ng Agoncillo Municipal Police Station, patuloy ang kanilang isinasagawang rescue at relief operations upang masiguro ang kaligtasan ng mga mamamayan ng Agoncillo.
“Sa pagtutulungan ng kapulisan, iba’t ibang ahensya ng gobyerno at ng mga mamamayan, [ay] malalampasan din natin ang pagsubok na ito at muling babangon nang may ngiti sa mga labi,” dagdag niya.
Source: Magandang Agoncillo Batangas
