Arestado ng Lingayen PNP ang Top 2 Municipal Most Wanted Person bandang 10:10 ng umaga sa Barangay Poblacion, Lingayen, Pangasinan nito lamang ika-7 ng Mayo 2024.
Kinilala ni Police Lieutenant Colonel Vicente P Castor Jr, Officer-In-Charge ng Lingayen PNP, ang suspek na si Von Mark Layson Pacheco, 24 taong gulang, at residente ng Barangay Balococ, Lingayen, Pangasinan.
Ayon pa kay Police Lieutenant Colonel Castor Jr, nahaharap ang suspek sa kasong Acts of Lasciviousness na may Php200,000 na piyansa.
Ang operasyon ng Lingayen PNP ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at upang mapanatiling ligtas ang mamamayan tungo sa Bagong Pilipinas.
Source: Lingayen Police Station
Panulat ni Pat Viljon Anthony A Comilang
