Arestado ng Santo Tomas PNP ang isang Most Wanted Person sa kasong Qualified Theft sa Barangay Calumbaya, Bauang, La Union nito lamang ika-1 ng Mayo 2024.
Kinilala ni Police Major Freddie K Lorenzo, Officer-In-Charge ng Santo Tomas Municipal Police Station, ang suspek na si Michael, 33, residente ng Barangay Calumbaya, Bauang, La Union.
Ayon kay PMaj Lorenzo, inaresto ang suspek dakong 4:30 ng hapon sa bisa ng Warrant of Arrest at mayroong rekomendadong piyansang Php72,000.
Ang Santo Tomas PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad sa anumang krimen.
Source: Santo Tomas Municipal Police Station
Panulat ni Patrolman Dennis P Carinal
