Nagsagawa ang Taytay Municipal Police Station ng Simulation Exercise sa paligid ng Taytay Municipal Jail, Barangay San Juan, Taytay, Rizal nito lamang Lunes, ika-22 ng Abril 2024.
Ang naturang pagsasanay ay pinangunahan ni Police Lieutenant Colonel Gaylor F Pagala, hepe ng Taytay Municipal Police Station, na aktibong dinaluhan ni Police Colonel Felipe B Maraggun, Provincial Director ng Rizal Police Provincial Office at Atty. Owen G De Luna, Acting Regional Director ng NAPOLCOM 4A.
Sa isinagawang aktibidad ay nagkaroon ng pagsasanay patungkol sa tamang pagsasagawa ng Illegal drug buy-bust operations na nilahukan ng mga kapulisan.
Layunin ng aktibidad na mas lalong ihanda ang mga pulis sa tamang paraan ng pag-aresto sa mga suspek na sangkot sa ilegal na droga.
Sa pamamagitan ng ganitong pagsasanay, inaasahang mapapabuti ang estratehiya ng kapulisan ng Rizal sa pagsugpo sa problema ng ilegal na droga at iba pang krimen sa kanilang lalawigan.
Source: Rizal Police Provincial Office
Panulat ni Patrolwoman Angelica Rica S Teng
