Timbog ang lalaking wanted sa kasong Murder sa operasyon na inilunsad ng pulisya sa Brgy. Cansaga, Consolacion, Cebu noong Sabado, Disyembre 30, 2023.
Kinilala ni Police Lieutenant Colonel Verniño Noserale, Acting Chief of Police ng Consolacion Police Station, ang akusado na si “Joel”, 45, residente ng Brgy. Casili ng naturang bayan.
Ayon kay Police Lieutenant Colonel Noserale, inaresto ang akusado sa bisa ng Warrant of Arrest dakong alas-4:20 ng hapon.
Samantala, sa body search na inilunsad ng mga awtoridad, nakumpiska sa pag-iingat nito ang isang unit ng .45 calibre pistol at mga bala.
Kaugnay dito, ipinagbigay alam na sa kinauukulang korte ang pagkakadakip ng akusado habang tinitingnan at inihahanda na ang karagdagang kaso na posibleng kakaharapin nito.
Patuloy naman ang buong hanay ng kapulisan sa walang humpay na paghahatid ng serbisyo upang tiyakin ang kaayusan at kaligtasan ng komunidad mula sa banta ng mga masasamang elemento.
