Naging benepisyaryo ang mga Person with Disabilities (PWDs) sa paglulunsad ng Solana Police Station sa kanilang Project G.U.L.O.N.G o Gabay Upang Lumigaya Oportunidad na Guminhawa na ginanap sa Solana Gymnasium, Centro Southwest Solana, Cagayan nito lamang ika-20 ng Nobyembre 2023.
Ayon kay Police Lieutenant Colonel Romeo I Pillos Jr, Hepe ng Solana Police Station, sa unang bugso ng proyekto ay limang (5) PWDs ang naging benepisyaryo sa paglunsad ng isa sa kanilang best practices.
“Ang Layunin ng proyektong ito ay upang makapagpaabot ng tulong sa mga PWDs and Indigent Families natin dito sa bayan ng Solana upang sa ganoon ay guminhawa ang kanilang buhay sa pakikipagtulungan sa iba’t ibang organization katulad ng Rotary Club of Solana and Other Religious Sector kagaya ng Church of the Latter Day Saints”, ani PLtCol Pillos.
Nakatanggap ang mga benepisyaryo ng kani-kanilang wheelchair at cane, bigas at grocery packs na kanilang labis ang ipinagpapasalamat.
Dagdag nito, matutulungan din ang mga benepisyaryo sa pag-avail ng mga basic services ng pamahalaan katulad ng medical check-up.
Naging matagumpay ang programa sa tulong at suporta ng lokal na pamahalaan ng Solana, mga iba’t ibang stakeholders, katulad ng Rotary Club of Solana Moonlight at Church of Latter Day Saints.
Nasa puso ang paglilingkod at pagseserbisyo ng mga kapulisan alinsunod sa PNP Core Values na Makatao sa tulong at suporta ng iba’t ibang ahensya ng pamahalaan at mga stakeholders tungo sa maunlad na lipunan.
Source: Solana PS
