Ginawaran ng Parangal ang 209 Reactionary Standby Support Force (RSSF) ng Police Regional Office Cordillera dahil sa kanilang natatanging serbisyo sa pagsiguro ng kaayusan sa katatapos lamang na Barangay and Sangguniang Kabataan Elections 2023 (BSKE) na ginanap sa Multi-Purpose Center, Camp Major Bado Dangwa, La Trinidad, Benguet nito lamang Nobyembre 3, 2023.
Ang aktibidad ay pinangunahan ni Police Brigadier General David Peredo Jr., Regional Director ng Police Regional Office Cordillera, PBGen Patrick Joseph Allan, DRDA at mga Cordillera Key Officers at Chief ng Regional Support Units.
Ayon kay PBGen Peredo Jr., kanyang binigyang parangal ang 209 PRO Cordillera RSSF personnel bilang pagkilala sa kanilang serbisyo na nagbunga sa mapayapa at ligtas na eleksyon sa probinsya ng Abra at sa buong rehiyon. Isa din ito sa pagpapakita ng suporta upang bigyang halaga ang morale and welfare ng kanyang mga tauhan na naka-angkla sa 5-Focused Agenda ni CPNP, Police General Benjamin Acorda Jr.
Dagdag pa ni PBGen Peredo Jr., ang panghihikayat sa buong Cordillera PNP na patuloy na maglingkod ng tapat at may integridad para sa kaayusan at kapayapaan sa buong rehiyon.
