Timbog ang isang High Value Individual (HVI) at dalawang Street Level Individual (SLI) sa ikinasang buy-bust operation ng mga awtoridad sa Sitio KM73, Brgy. Amgaleyguey, Buguias, Benguet nito lamang Nobyembre 2, 2023.
Kinilala ni Police Colonel Damian Olsim ang mga naaresto na isang automotive mechanic, isang taxi driver at isang walang trabaho.
Nakumpiska mula sa mga suspek ang 12 gramo ng shabu na tinatayang nagkakahalaga ng Php81,600, boodle money, tatlong vivo smartphone, isang brown wallet, isang pouch, isang black belt bag, at isang dark green sling bag.
Ang matagumpay na operasyon ay bunga ng walang humpay na pagbibigay katuparan ng Benguet PNP sa kanilang sinumpaang tungkulin upang tuldukan ang problema sa ilegal na droga at hadlangan ang mga panganib na dulot nito sa komunidad.
