Sarangani – Boluntaryong nagbalik-loob ang isang dating miyembro ng komunistang teroristang grupo sa mga awtoridad sa Sitio Salyan, Brgy. Sapu Padidu, Malapatan, Sarangani Province nito lamang ika-11 ng Oktubre 2023.
Kinilala ni Police Colonel Deanry Francisco, Officer-In-Charge ng Saranggani Police Provincial Office, ang sumuko na si “Ka Gaulito”, 58, dating miyembro ng Guerilla Front-TALA, Far South Mindanao Region (FSMR) at residente ng Brgy. Sapu Padidu, Malapatan, Sarangani Province.
Ayon sa ulat ng Sarangani PNP, napagpasyahang sumuko ni “Ka Gaulito” dahil sa patuloy na negosasyon ng mga tauhan ng Regional Intelligence Unit 12, Malapatan PNP, 1st Saranggani Provincial Mobile Force Company PMFC, Philippine Army at Regional Intelligence Division 12.
Isinuko rin nito ang kanyang armas na isang yunit ng Garand Rifle na may kasamang limang bala.
Patuloy naman ang panghihikayat ng Saranggani PNP sa mga natitirang kasapi ng Communist Party of the Philippines-New People’s Army-National Democratic Front (CPP-NPA-NDF) na magbalik-loob sa pamahalaan upang makasama ang kanilang pamilya at malayo sa karahasan at terorismo dulot ng maling ideolohiya.
Panulat ni Patrolman Khnerwin Jay A Medelin
