Occidental Mindoro – Timbog ang isang High Value Individual sa isinagawang buy-bust Operation ng mga tauhan ng Magsaysay Municipal Police Station sa Brgy. Poblacion, Magsaysay, Occidental, Mindoro noong ika-9 ng Agosto 2023.
Kinilala ni Police Captain Aristotle Calayag, Acting Chief of Police ng Magsaysay MPS ang suspek na may alyas na “Tawing”, 38, at residente ng San Jose, Occidental Mindoro.
Ayon kay PCpt Calayag, naaresto ang suspek sa isinagawang buy-bust operation ng mga tauhan ng Regional Drug Enforcement Unit (RDEU/RSCG), Municipal Drug Enforcement Unit ng Magsaysay MPS at Provincial Drug Enforcement Unit ng Occidental Mindoro Police Provincial Office.
Nahaharap ang nasabing suspect sa kasong paglabag sa Republic Act 9165 o Comprehensive Dangerous Drugs Act of 2002 matapos mabilhan ng hinihinalang ilegal na droga kapalit ng Php1,000.
Narekober rin mula sa suspek ang pera na ginamit bilang buy-bust money, cellphone, kaha ng sigarilyo na naglalaman ng mga drug paraphernalia, sling bag, at lima pang plastic sachet na naglalaman ng hinihinalang shabu na may tinatayang timbang na humigit kumulang 1.2 grams at nagkakahalaga ng Php6,000.
Ang pagkakadakip sa suspek ay resulta ng serbisyong nagkakaisa, magandang ugnayan at pagmamalasakit ng mamamayan at kapulisan sa komunidad at sa derektiba ni PCol Jun Dexter Danao, Provincial Director ng Occidental Mindoro Police Provincial Office na lalo pang pagpapaigting ng pagpuksa sa ilegal na droga sa lalawigan ng Occidental Mindoro para sa kaayusan at kapayapaan tungo sa kaunlaran ng bansa.
Panulat ni Patrolman Erwin Calaus
