Occidental Mindoro – Timbog ang isang drug suspek sa isinagawang buy-bust operation ng mga tauhan ng San Jose Municipal Police Station sa Brgy. Caminawit, San Jose, Occidental Mindoro noong ika-13 ng Hunyo 2023.
Kinilala ni Police Colonel Jun Dexter Danao, Provincial Director ng Occidental Mindoro PPO, ang suspek na may alyas na “Pol”, residente ng San Jose, Occidental Mindoro.
Ayon kay PCol Danao, naaresto ang suspek matapos mabilhan ng hinihinalang ilegal na droga sa buy-bust operation ng mga tauhan ng Municipal Drug Enforcement Unit ng San Jose Municipal Police Station at Provincial Drug Enforcement Unit ng Occidental Mindoro Police Provincial Office.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng operasyon ay resulta ng serbisyong nagkakaisa at pagtutulungan ng iba’t ibang ahensya kasama ang mamamayan.
Panulat ni Patrolman Erwin Calaus
