Eastern Samar – Aktibong nilahukan ng mga tauhan ng 1st Eastern Samar Provincial Mobile Force Company sa isinagawang bloodletting activity na ginanap sa Rural Health Unit ng Brgy. Ang Sta. Fe, Borongan City, Eastern Samar nitong ika-5 ng Mayo 2023.
Ito ay direktang pinangunahan ni Police Lieutenant Colonel Seth Mark Alob, Force Commander ng 1st Eastern Samar Provincial Mobile Force Company.
Ang aktibidad ay pinangasiwaan ng Philippine Red Cross Borongan City, Eastern Samar na may temang “Give Blood and Keep the World Beating”.
Dumaan sa iba’t ibang screening ang mga donors upang masiguro ang kanilang kaligtasan at pati na ang mga benepisyaryo ng malilikom na dugo.
Ang nasabing aktibidad ay sumusuporta sa kampanya para magligtas ng buhay. Ang isang patak ng iyong dugo ay makakapagpapanatili sa buhay ng iba.
Ito rin ay isang paraan upang palawigin pa ang ating tulong at serbisyo para makapagligtas ng buhay sa mga kababayan nating nangangailangan ng dugo.
