Pangasinan – Timbog ang isang Brgy. Kagawad sa ikinasang buy-bust Operation ng mga operatiba ng Pangasinan Police Provincial Office nitong Linggo, ika-26 ng Marso 2023.
Kinilala ni Police Major Daryl Nevado, Hepe ng Bugallon Municipal Police Station, ang suspek na si Efren Rovillos y Garcia, 56, incumbent Brgy. Kagawad at residente ng Brgy. Salomague Sur, Bugallon, Pangasinan.
Ayon kay PMaj Nevado, narekober mula sa suspek ang labing-isang plastic sachet ng hinihinalang shabu at anim na 500 peso-bill bilang buy-bust money.
Ayon pa kay PMaj Nevado, naaresto ang suspek bandang 5:40 ng hapon sa nabanggit na barangay ng pinagsanib na mga tauhan ng Bugallon Municipal Police Station, Labrador Municipal Police Station, Provincial Intelligence Unit at Provincial Investigation Detective Management Unit.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mga mamamayan ang hangaring ligtas at payapang komunidad.
Source: Bugallon Municipal Police Station
Panulat ni PSSg Bader Ceasar Ayco
